सिरी एमा साविक विजेता युभेन्टसको विजयी सुरुआत
इटलीको शीर्ष डिभिजन फुटबलको नयाँ सिजन शनिबारदेखि सुरु भएको छ । सिजनको पहिलो खेलमा साविक विजेता युभेन्टसले विजयी सुरुआत गर्न सफल भयो ।
पार्मालाई उसकै मैदानमा १-० गोल अन्तरले पराजित गरी युभेन्टसले लगातार नोवौंपल्ट सिरी ए को उपाधि अभियान सुरु गरेको हो ।
युभेन्टसको जितमा पहिलो हाफको २१ औं मिनेटमा जर्जियो चेलिनीले अग्रता दिलाएका थिए । उनले एलेक्स सान्द्रोको पासमा गोल गरेका हुन् । बाँकी समयमा गोल हुन नसक्दा उनकै गोल निर्णायक रह्यो ।
क्रिष्टियानो रोनाल्डो प्रेरित टिम युभेन्टसले गत सिजन लगातार आठौंपल्ट सिरी ए को उपाधि उचालेको थियो । पार्माले भने गत सिजन १४ औं स्थानमा रहेर लिग सकाएको थियो ।
प्रकाशित मिति: बिहीबार, भदौ ५, २०७६
प्रतिक्रिया दिनुहोस्
थप समाचार
साताको लोकप्रीय
