काठमाडौं (हाम्रो खेलकुद) – नेपाल एक दिवसिय क्रिकेटको वरियतामा एक स्थान तल झरेको छ । अन्तर्राष्ट्रिय क्रिकेट परिषद् (आइसिसी) सार्वजनिक गरेको पछिल्लो वरियतामा एक स्थान तल झरेर नेपाल १६औं स्थानमा पुगेको छ । यसअघि नेपाल १५औं स्थानमा थियो। वरियताको शीर्ष स्थानमा विश्व कप विजेता इंग्ल्यान्ड रहेको छ । दोस्रोमा भारत, तेस्रोमा विश्व कपको उपविजेता न्युजिल्याण्ड, चौथोमा अष्ट्रेलिया, पाँचौँमा दक्षिण अफ्रिका, छैटौंमा पाकिस्तान स्थानमा छ । बंगलादेश सातौं, श्रीलंका आठौं, वेस्ट इन्डिज नवौं र अफगानिस्तान दसौं स्थानमा छ । यसै गरि एघारौं स्थानमा आयरल्यान्ड, १३ औं स्थानमा जिम्बावे, १३ औंमा नेदरल्यान्ड्स, १४ औंमा स्कटल्यान्ड, १५ औंमा ओमान छ । नेपाल भन्दा पछाडि युएई १७ औं र पपुवा न्युगिनी १८औं स्थानमा छ । आइसिसीले जारी गरेको टि ट्वान्टी वरियतामा भने नेपाल यथावत रहेको छ । नेपाल ११ औं स्थानमा छ । यो फम्र्याटमा नेपालभन्दा तल दुई टेष्ट राष्ट्र जिम्बावे र आयरल्याण्ड छन् । पाकिस्तान टि ट्वान्टीको वरियताको शीर्षस्थानमा छ ।