लिभरपुलका मिडफिल्डर एलेक्स आक्लेड चेम्बरलेनले क्लबसंग सम्झौता थप गरेका छन् । ईङल्याण्डका राष्ट्रिय टिमका खेलाडी चेम्बरलेनले क्लबसंग सन् २०२३ सम्म रहने गरि सम्झौता थप गरेका हुन् । चेम्बरलेनले ४७ खेल खेल्दै लिभरपुलबाट ५ गोल गरेका छन् । उनी गत सिजनको अन्तिममा लिभरपुलको पहिलो टिममा फर्किएका थिए । उनले सन् २०१८ को अप्रिलमा गम्भिर चोट बोकेका थिए । उनी सहभागी टिमले गत सिजनको अन्तिममा टोटेनहमलाई च्याम्पियन्स लिग फुटबलको फाईनलमा हराएको थियोे । चेम्बरलेन सन् २०१७ मा आर्सनलबाट ३५ मिलियन पाउण्डमा लिभरपुलसंग जोडिएका थिए । उनले सम्झौतामा हस्ताक्षर गर्दै क्लबसंगको नयाँ सहमतीले आफुमा उत्साह थपेको बताएका छन् ।