स्टार खेलाडी पउल पोग्वाले पेनाल्टी गुमाउँदा इंग्लिस प्रिमियर लिगमा म्यानचेस्टर युनाइटेड उल्भरह्याम्टनसँग बराबरीमा चित्त बुझाएको छ। उल्भ्सको घरेलु मैदानमा भएको खेलमा युनाइेटडले एक गोलको अग्रता जोगाउन सकेन भने पाएको पेनाल्टीको पनि सदुपयोग गर्न सकेन। खेलको २७ औं मिनेटमा एन्टोनी मार्टियलले गोल गर्दै युनाइटेडलाई अग्रता दिलाएका थिए । क्लवका लागि ५० गोल गोल पुरा गरेका छन । पहिलो हाफमा एकगोलको अग्रता बनाएको युनाइेटड विरुद्ध घरेलु टिम उल्भ्सले ५५ औं मिनेटमा खेल बराबरी गर्न सफल भयो । उसका रुवेन नेभेसले उत्कृष्ट गोल गर्दै टिमलाई बराबरीमा पुर्याए । त्यसपछि ६८ औं मिनेटमा युनाइटेडले अर्को गोलको मौका पाएको थियो । उसले पाएको पेनाल्टीमा पउल पोग्बा पुर्ण रुपमा चुक्न पुगे । गतसिजन देखि अहिलेसम्म पोग्बाले पेनाल्टी गुमाएको यो पहिलो पटक हो । यो सिजनको पहिलो खेलमा चेल्सीमाथि चार शुन्यको प्रभावशाली जित निकालेको युनाइेटडले गएराति पाएका मौकाको राम्रो सदुपयोग गर्न नसक्दा अंक बाढ्नुपर्यो । खेलपछि प्रशिक्षक ओले गुनरले रासफोर्ड र मार्टियन फ्रन्टलाईन अझ क्लिनिकल हुन आवश्यक रहेको बताए । योसँगै युनाइेटडले दुई खेलमा चार अंक बनाएको छ ।