स्पेनीस ला लिगामा एट्लेटिको मड्रिडले विजयी सुरुवात गरेको छ । आइतबार अबेर राति भएको खेलमा गेटाफे विरुद्ध एक शुन्यको संघर्षपुर्ण जित निकाल्यो । दुई जना खेलाडीले रातो कार्ड पाएको खेलमा एट्लेटिकोको जितमा अल्भेरो मोराटाको एकमात्र गोल निर्णायक बन्यो । निकै फल भएको खेलको २३ औं मिनेटमा मोराटाले गोल गर्दै एट्लेटिकोलाई अग्रता दिलाएका थिए । ३८ औं मिनेटमा गेटाफेका जोर्ग मोलीन भिडेईले रातो कार्ड पाउँदै मैदानबाट बाहिरीएपछि १० खेलाडीमा झर्न पुग्यो । तर त्यसको चार मिनेटपछि एट्लेटिको पनि चार खेलाडीमा नै झर्यो । उसका रेनन लोडी दोहोरो पहेलो कार्ड पाउँदै मैदानबाट बाहिरीए । पुरै खेलमा ५ उत्कृष्ट प्रहार गरेपनि एट्लेटिकोले एक गोल मात्र गर्न सक्यो । यता गेटाफेले ६ वटा सट पोष्ट नजिक हानेपछि एउटापनि फ्रेममा परे । लिगको पहिलो खेलमा जित निकालेपछि एट्लेटिकोले तीन अंक बटुलेको छ ।