क्रिकेट विश्वकप लिग टू अन्तर्गत शनिबार भएको खेलमा स्कटल्याण्डले पपुवा न्यूगिनी पराजित गरेको छ । स्कटल्याण्डको एभरडिनमा भएको खेलमा घरेलु टिमले पीएनजीलाई तीन विकेटले हरायो । टस हारेर ब्याटिङको निम्तो पाएको पीएनजीले ५० ओभरमा नौ विकेट गुमाउँदै २०५ रनको योगफल तयार पारेको थियो । उसका लागि टोनी उराले सर्वाधिक ४६ रन बनाए । त्यस्तै किप्लिन डोरिगाले ३९, असद भालाले ३६ र चाल्र्स अमिनीले ३२ रन बनाउँदा अन्यको प्रदर्शन खराब रह्यो । बलिङतर्फ हम्जा ताहिरले चार विकेट लिए भने माइकल लिस्कले तीन विकेट हात पारे । २०६ रनको लक्ष्य स्कटल्याण्डले सात बल बाँकी रहँदा सात विकेट गुमाएर पूरा ग¥यो । स्कटल्याण्डका लागि कायल कोट्जरले ९६ रनको उत्कृष्ट इनिङ खेले । अन्यको प्रदर्शन कमजोर रह्यो । कलुम म्याक लियोडले ३६ रन जोडे । बलिङतर्फ नोसाइना पोकना र असद भालाले ३–३ विकेट लिए । यो प्रतियोगितामा स्कटल्याण्ड र पीएनजीसँगै ओमान पनि छ । ओमानले दुई जितका साथ शीर्ष स्थानमा छ । स्कटल्याण्डको पहिलो जित हो ।