रियल मड्रिडले स्पेनिस ला लिगाको नयाँ सिजन जितका साथ शुरुवात गरेको छ । सिजनको पहिलो खेलमा रियलले सेल्टा डि भिगोलाई उसैको मैदानमा ३–१ ले पराजित ग¥यो । रियललाई जित दिलाउनका लागि करिम बेन्जेमा, टोनी क्रुज र लुकास भाज्क्वेजले एक एक गोल गरेका थिए । १२औं मिनेटमा करिम बेन्जेमाले गोल गर्दै रियललाई अग्रता दिलाएका थिए । रियल मड्रिडले बेच्न लागेको ग्यारेथ बेलको पासमा बेन्जेमाले रियललाई अग्रता दिलाएका थिए । जुन अग्रता पहिलो हाफसम्मै कायम रह्यो । ५६औं मिनेटमा लुका मोड्रिच रातो कार्ड पाएर मैदानबाट बाहिरिएपछि रियल १० खेलाडीमा सिमित भयो । तर त्यसको असर नतिजामा परेन । १० खेलाडीमा झरेपछि रियलले थप दुई गोल ग¥यो । ६१औं मिनेटमा टोनी क्रुजले मार्सेलोको पासमा गोल गरेपछि रियलले अग्रता दोब्बर बनायो । ८०औं मिनेटमा बेन्जेमाको पासमा भाज्क्वेजले गोल गरेपछि रियलले ३–० को अग्रता थियो । इन्ज्युरी समयमा सेल्टाका इकर लोसादाले गोल गरेका थिए, जुन सान्त्वता गोल बन्न पुग्यो ।