विश्व टेस्ट च्याम्पियनसिप अन्तर्गत एसेज शृंखलाको दोस्रो टेस्ट आजदेखि शुरुहुँदै छ । अस्ट्रेलिया र इंग्ल्याण्डबीचको दोस्रो टेस्ट आजदेखि इंग्ल्याण्डको लर्डसमा दिउँसो पौने ४ बजेदेखि शुरुहुने छ । पहिलो टेस्टमा उत्कृष्ट पुनरागमन गर्दै एक दिवसीय विश्वकप जितेको इंग्ल्याण्डलाई अस्ट्रेलियाले २५१ रनले पराजित गरेको थियो । यो टेस्टमा इंग्ल्याण्डका जोफ्रा आर्चरले डेव्यु गर्ने सम्भावना रहेको छ । इंग्ल्याण्डका एन्डरसन घाइते भएपछि उनी प्लेयिङ सेटमा पर्ने सम्भावन रहेको हो । अस्ट्रेलियाका स्टार खेलाडी स्टीब स्मिथलाई चाँडै आउट गरेमा खेलमा फर्कन सजिलो हुने इंग्ल्याण्डको बुझाई छ । बल टेम्पिरिङ अभियोगमा १ वर्षको प्रतिबन्ध पुरा गरेर यसै टेस्टमा स्मिथले कमब्याक गरेका थिए । कमब्याक टेस्टमै दुवै इनिङ्समा शतक बनाएर सबैको ध्यान केन्द्रित गरेका छन् । इंग्ल्याण्डले पहिलो टेस्टमा पराजित भएपछि अहिलेसम्म दुई पटक मात्रै सिरिज जितेको छ । पहिलो पटक १९८१ र २००५ इंग्ल्याण्डले पहिलो टेस्ट गुमाएर पनि सिरिज हात पारेको थियो । दोस्रो टेस्टमा इंग्ल्याण्डका खेलाडीहरु रातो क्याप लगाएर मैदान उत्रने छन् । फोक्सोको क्यान्सरबारे जनचेतना बढाउने उद्देश्यले खेलाडीहरुले यस्तो गर्न लागेका हुन् । इंग्ल्याण्डका पूर्व खेलाडी एन्ड्रू स्टार्सकी श्रीमती रुथ स्ट्रासको फोक्सोको क्यान्सरबाट निधन भएको थियो ।