प्रतिनिधि सभाको बैठक सूचना टाँस गरि स्थगीत गरिएको छ । बिहीबार २ बजेका लागी बोलाईको बैठक दलहरुबीच सहमति जुट्न नसक्दा सूचना टाँसेर स्थागित गरिएको हो । बैठक अगामी सोमबार बिहान ११ बजेका लागि बोलाइएको छ । प्रमुख प्रतिपक्षी दल नेपाली कांग्रेस र राजपाले संसदीय छानबिन समिति बनाउनुपर्ने दलीय अडानका कारण प्रतिनिधिसभा लगातार अवरुद्ध छ । विपक्षी र सत्तारूढ दल अडानमा लचिलो नहुँदा समस्याको गाँठो फुक्न सकेको छैन । सर्लाहीमा असार १५ मा अवरुद्ध राजमार्ग खुलाउने क्रममा प्रहरीले चलाएको गोली लागेर ईश्वर नगरपालिका–१३ का २८ वर्षीय सरोजनारायण सिंहको मृत्यु भएको र त्यसको १० दिनअगाडि चन्द समूहका सर्लाही इन्चार्ज कुमार पौडेल प्रहरीको कारबाहीमा मारिएको घटनालाई लिएर कांग्रेस र राजपाले संसदीय छानबिन समिति गठन गर्नका लागि माग गर्दै आएका छन् । संसद सुचारु गर्नका लागि दलहरुबीच आन्तरिक छलफल जारी रहेकाले बैठक बस्न नसकेको संसद सचिवालयले सूचना टाँसेर जानकारी दिएको छ ।