सोसिडाडको पोस्टमा बार्सिलोनाको गोलको वर्षा
स्पेनिस ला लिगामा बार्सिलोनाले शानदार जित हासिल गरेको छ। गएराती भएको खेलमा बार्सिलोनाले रियाल सोसिडाड ६-१ को फराकिलो गोल अन्तरले जित हात परेको हो ।
खेलमा बार्सिलोनाक तर्फबाट मेस्सी र डेस्टले २-२ गोल, गरे भने एन्टोइन ग्रिजमन र औसमाने डेम्बेले १-१ गोल गरेका थिए। त्यस्तै सोसिडाडका तर्फबाट बारेनेट्जाले एक गोलमात्र फर्काएका थिए ।
खेलको पहिलो हाफको ३७ औं मिनेटमा ग्रिजम्यानको गोल गर्दै बार्सिलोनालाई अग्रता दिलाएका थिए । खेलको ४३ मिनेटमा डेस्टले अर्को गोल गर्दै अग्रता दोब्बर पारे।
पहिलो हाफ दुई गोलको अग्रता लिएको बार्सिलोना यतिमा रोकिएनन। खेलको ५३ मिनेटमा डेस्टले व्यक्तिगत दोश्रो गोल गरे। त्यस्तै मेसीले ५६ मिनेटमा, डेम्बेलेले ७१ मिनेटमा थप गोल गर्दै खेलमा ५ गोलको अग्रता लिए। खेल सक्किन एक मिनेट अघि मेस्सीले थप एक गोल गर्दै खेललाई ६-१ मा पुराए ।
यस जितसंगै बार्सिलोना दोस्रो स्थानमा उक्लिएको छ। २८ खेल खेलेको बार्सिलोना ६२ अंक सहित लिगको दोश्रो स्थानमा रहेको छ। लिगको पहिलो स्थानमा रहेको एट्लेटिको मड्रिडको ६६ अंक छ । त्यस्तै रियल म्याड्रिड ६० अंक सहित लिगको तेस्रो स्थानमा रहेको छ ।
प्रकाशित मिति: सोमबार, चैत ९, २०७७
प्रतिक्रिया दिनुहोस्
थप समाचार
साताको लोकप्रीय
