नेदरल्यान्ड्स टर्कीसंग पराजित
नेदरल्यान्ड्सलाई टर्कीले पराजित गरेको छ। विश्वकप छनोटका लागि भएको खेलमा सन् २०१० को उपविजेता नेदरल्यान्ड्सलाई टर्कीले ४-२ को गोल अन्तरले पराजित गरेको हो। टर्कीले १५ औं मिनेटमा बुराक यलमाजले गोल गर्दै टिमलाई अग्रता दिलाए ।
त्यस्तै, खेलको ३४औं मिनेटमा यिलमाजले दोश्रो गोल गर्दै अग्रता दोब्बर बनाए। पहिलो हाफ दुई गोलको अग्रता लिएको टर्कीले दोश्रो हाफको पहिलो मिनेटमा हकन कालहानोग्लुले अर्को गोल थपे।
खेलको ७५औं मिनेटमा नेदरल्यान्ड्सका डेभी क्लासेनले गोल फर्काए। नेदरल्यान्ड्सले पुनरागमनको आश दिलाउदै लुक डी जोङले अर्को गोल गरे तर यिलमाजले पेनाल्टीमार्फत अर्को गोल थपेपछि नेदरल्याण्ड पराजित भएको हो ।
प्रकाशित मिति: बिहीबार, चैत १२, २०७७
प्रतिक्रिया दिनुहोस्
थप समाचार
साताको लोकप्रीय
