थ्री नेसन्स कप: नेपाल बराबरीमा रोकियो (फाइनल अपडेट)
थ्री नेसन्स कप अन्तराष्ट्रिय फुटबलको पहिलो खेलमा नेपाल बराबरीमा रोकिएको छ ।
बिहीबार भएको खेलमा नेपाल १० खेलाडीमा सिमित किर्गिस्तानको यू–२३ टिमसँग गोलरहित बराबरीमा रोकिएको हो । त्रिपुरेश्वरस्थित दशरथ रंगशालामा बल पोसेसनमा पकड जमाएपनि गोल गर्न नसक्दा नेपालले बराबरी खेल्नु परेको हो । यस बराबरीसँगै नेपालले फाइनल पुग्ने सम्भावना कायम राखेको छ । किर्गिस्तानको समेत फाइनल पुग्ने सम्भावना रहेको छ । यस खेलको नतिजाले बंगलादेश भने फाइनल पुगेको छ । नेपालले १ खेलमा १ अंक जोडेको छ । किर्गिस्तानले २ खेलमा १ अंक जोडेको छ ।
बंगलादेशको १ खेलमा ३ अंक रहेको छ । उद्घाटन खेलमा किर्गिस्तान बंगलादेशसँग १–० ले पराजित भएको थियो । अब नेपालले दोस्रो खेलमा बंगलादेशसँग खेल्नेछ । नेपाल र बंगलादेशबीचको खेल शनिबार हुनेछ । राउण्ड रोबिनको आधारमा हुने लिगको शीर्ष दुई टिमले फाइनलमा प्रतिस्पर्धा गर्ने छन् ।
किर्गिस्तान १० खेलाडीमा सिमित
किर्गिस्तानका कप्तान के तन्शिभ दोश्रो पहेलो कार्ड संगै रातो कार्ड पाएका छन् । किर्गिस्तान १० खेलाडीमा सिमित।दोश्रो हाफ सुरु
थ्री नेसन्स कप अन्तर्गत नेपाल र किर्गिस्तान बीचको दोश्रो हाफ सुरु भएको छ । त्रिपुरेश्वरस्थित दशरथ रंगशालामा भएको खेलको नेपाल र किर्गिस्तानले पहिलो हाफ गोल रहित बराबरीमा खेलेका थिए ।पहिलो हाफ गोलरहित बराबरीमा
अखिल नेपाल फुटबल संघ एन्फाले आयोजना गरेको थ्री नेसन्स कपको दोश्रो खेल नेपाल र किर्गिस्तानबीचको मध्यतर भएको छ। त्रिपुरेश्वरस्थित दशरथ रंगशालामा भएको खेलको नेपाल र किर्गिस्तानले पहिलो हाफ गोल रहित बराबरीमा खेलेका छन्। पहिलो पहेलो कार्ड किर्गिस्तानका जर्सी नं १७ का के तन्शिभले पाएका थिए ।नेपालका तर्फबाट आज
किरण चेम्जुङ्ग(कप्तान) अभिषेक रिजाल, अन्जन बिष्ट, त्रिदेव गुरुङ, संजोग राई, तेज तामाङ्ग, रबि पासवान, रंजित धिमाल, रोहित चन्द, अनन्त तामाङ्ग, दिनेश राजबंशी ।थ्री नेसन्स कप: नेपाल र किर्गिस्तान बीचको खेल सुरु
अखिल नेपाल फुटबल संघ एन्फाले आयोजना गरेको थ्री नेसन्स कपको दोश्रो खेल सुरु भएको छ । आज त्रिपुरेश्वरस्थित दशरथ रंगशालामा नेपालको पहिलो खेल किर्गिस्तानसँग खेल्दैछ । आजको खेल हेर्न करिब ६ हजारको हाराहारीमा दर्शकहरुको सहभागिता रहेको एन्फाले जनाएको छ। नेपालका मुख्य प्रशिक्षक बाल गोपाल महर्जनले बुधबार मात्र गोलकिपर किरण चेम्जोङको कप्तानीमा २३ सदस्य टिमको घोषणा गरेका थिए । नेसन्स कपको पहिलो खेल बंगलादेश र किर्गिस्तानबीचको हेरेर महर्जनले नेपालको २३ सदस्य टिमको घोषणा गरेका थिए । पहिलो खेलमा किर्गिस्तान बंगलादेशसंग १–० ले पराजित भएको थियो ।प्रकाशित मिति: बिहीबार, चैत १२, २०७७
प्रतिक्रिया दिनुहोस्
थप समाचार
साताको लोकप्रीय
