बिश्वकप छनोटमा स्पेनले जर्जियालाई पराजित गरेको छ । सन् २०२२ को बिश्वकपको युरोपेली छनोटको खेलमा गए राति स्पेनले जर्जियालाई २-१ को गोल अन्तरले पराजित गरेको हो । समुह 'बी' को हिजो भएको खेलमा कभारास्खेलिया ४३ औं मिनेटमा गोल गर्दै जर्जियालाई अग्रता दिलाए । पहिलो हाफ मा अग्रता लिएको जेर्जियाले भने दोश्रो हाफमा कायाम गर्न सकेन। दोश्रो हाफको ५६ औं मिनेटमा फेरान टोरेसले गोल गर्दै खेल बराबरीमा पुराए । त्यस्तै खेलको इन्जुरी समयमा जोर्डी अल्बाको पासमा ओल्मोले गोल गर्दै खेलमा जित हात परे । यस जित संगै स्पेनले ४ अंक बटुलेर समूह 'बी'को दोश्रो स्थानमा रहेको छ । स्विडेन ६ अंक सहित समूहको पहिलो स्थानमा रहेको छ ।