विश्वकप छनौट अन्तर्गत समूह 'सी' को खेलमा इटाली र स्वीट्जरल्याण्ड विजयी भएका छन् । सन् २०२२ को बिश्वकपको युरोपेली छनोटको समूह सी मा इटालीले बुल्गेरियालाई २–० ले र स्वीट्जरल्याण्डले लिथुवानियालाई १–० पराजित गरेका हुन्। समुह 'सी'मा इटाली र स्वीट्जरल्याण्डको यो लगातार दोस्रो जित हो । इटालीका तर्फबाट बेलोती र लोकातेलीले १-१ गोल गरेका थिए भने उता स्वीट्जरल्याण्डका तर्फबाट शाकिरीले गरेको गोल खेल खेलको निर्णायक गोल हुन पुग्यो। यस जितसंगै ६ अंक सहित इटाली लिगको शिर्ष स्थानमा रहेको छ भने स्वीट्जरल्याण्ड गोलका आधारमा सोहि अंक सहित समुहको दोश्रो स्थानमा रहेको छ ।