स्पेनिस ला लिगामा रियल म्याड्रिडले एइबारलाई पराजित गरेको छ । शनिबार राति भएको खेलमा रियलले एइबारलाई २-० को गोल अन्तरले पराजित गरेको हो। खेलको ४१ औं मिनेटमा रियलका तर्फबाट एसेन्सियोले गोल गरेका थिए। पहिलो हाफ एक गोलको अग्रता लिएको रियलले दोश्रो हाफको ७३ औं मिनेटमा करिम बेन्जिमाको गोलले अग्रता दोब्बर बनायो । पछिल्ला ७ खेलमा बेन्जिमाले ९ गोल गरेका छन् । जित संगै रियल बार्सिलोनालाई पछि पर्दै दोश्रो स्थानमा रहेको छ । २९ खेल खेलेको रियल ६३ अंक सहित लिगको दोश्रो स्थानमा उक्लिएको छ भने २८ खेल खेलेको बार्सिलोना ६२ अंक सहित लिगको तेस्रो स्थानमा झरेको छ । त्यस्तै लिगको शिर्ष स्थानमा रहेको एट्लेटिको म्याड्रिडले रियल भन्दा ३ अंक रहेको छ ।