इटालियन सिरि ए मा युभेन्टस बराबरीमा रोकिएको छ । शनिबार भएको खेलमा साविक विजेता युभेन्ट्स टोरिनोसँग २-२ गोलको बराबरी खेलेको हो। हिजोको खेलको पहिलो हाफको १३ औं मिनेटमा युभेन्टसले अग्रता लिएको थियो । चिएसाले गोल गर्दै टिमलाई अग्रता दिलाए। खेलको २७ औं मिनेटमा टोरिनोका सानाब्रियाले गोल गर्दै खेल बराबरीमा पुराए । खेलको पहिलो हाफ १-१ को बराबरीमा खेलेको युभेन्टस दोश्रो हाफको पहिलो मिनेटमा नै झट्का लग्यो। खेलको ४६ औं मिनेटमा सानाब्रियाले ब्यतिगत दुई गोल गर्दै खेल २-१ मा पुराए। एक गोल पछि परेको युभेन्टसलाई क्रिस्टियानो रोनाल्डोले बचाए । खेलको ७९ औं मिनेटमा गोल गर्दै खेल बराबरमा पुराए। यस संगै २८ खेल खेलेको युभेन्टस ५६ अंक सहित लिगको चौथो स्थानमा रहेको छ । त्यस्तै हिजो भएको अर्को खेलमा इन्टर मिलानले बोलोग्नालाई १-० को गोल अन्तरले पराजित गरेको थियो। यस संगै २८ खेल खेलेको इन्टर ६८ अंक सहित लिगको शिर्ष स्थानमा रहेको छ । २९ खेल खेलेको एसी मिलान ६० अंक सहित दोस्रो स्थानमा रहेको छ भने ५८ अंक सहित एटलान्टान तेस्रो स्थानमा रहेको छ।छ।