प्रतिनिधि सभा सदस्यमा जानकी देवी रामले शपथग्रहण गरेकी छिन् । समानुपातिक निर्वाचन प्रणाली अन्तरगत समावेशी समूहतर्फ दलित समूदायबाट आइतबार जानकी देवी रामले प्रतिनिधि सभा सदस्यको शपथग्रहण गरेकी हुन् । सांसद् सानु सिवा पहाडीको मृत्यु भएपछि उहाको स्थानमा जानकी देवीलाई निर्वाचित गरिएको हो । सिरहाकी रामलाई सिंहदरबारस्थित संसद सचिवालयमा सभामुख अग्निप्रसाद सापकोटाले पद तथा गोपनीयताको शपथग्रहण गराएका थिए । नेकपा (एमाले) बाट सक्रिय राजनीति गर्दै आएकी ताप्लेजुङकी सांसद् पहाडीको गत असोज २८ कोरोना संक्रमणबाट मृत्यु भएको थियो ।