कांग्रेस सभापति देउवाले माओवादी केन्द्रका अध्यक्ष पुष्पकमल दाहाल प्रचण्डका कारण अहिलेको राजनीतिक अवस्था आइपरेको बताए । नेपाल निजामती कर्मचारी युनियन(संघ)को राष्ट्रिय भेलालाई शुक्रबार काठमाडौंमा सम्बोधन गर्दै सभापति देउवाले आमनिर्वाचन लगत्तै आफूले प्रचण्डलाई प्रधानमन्त्री बन्न प्रस्ताव गरेपनि वामएकता भन्दै प्रचण्डले नै ओलीलाई सत्ता सुम्पेको बताएका हुन् । उनले भने,'धेरै पटक उहाँलाई प्रधानमन्त्री बनाउन खोज्या होइन हामीले प्रचण्डलाई तपाईलाई थाहा छ नि । खुट्टै नटेक्ने मान्छे। अहिले ओलीले लात हने पछि बल्ल ठिक्क भएको छ। वास्तविकता यही हो नि। ' उनले अहिले आफु प्रधानमन्त्री बन्न नचाहेको समेत स्पष्ट गरेका छन् ।