फ्रेन्च लिग वानमा पेरिस सेन्ट जर्मेन (पीएसजी)ले स्टारवर्गमाथि सहज जित निकालेको छ । शनिबार राति भएको खेलमा पीएसजीले स्टारवर्गलाई ४–१ को गोल अन्तरले पराजित गरेको हो। स्टारवर्गको घरेलु मैदानमा भएको खेलमा पीएसजीका तर्फबाट केलियन एम्बाप्पे, पाब्लो सराविया, मोइस केन र लेनड्रो पेरेडेस गोल गरेका थिए भने टारवर्गका तर्फबाट डिनो माइसले एक गोल फर्काए । खेल सुरु भएको १६ औं मिनेटमा एम्बाप्पेले गोल गर्दै टिमलाई अग्रता दिलाए। त्यसको ११ मिनेट नबित्दै सरावियाले गोल गरे र अग्रता दोब्बर बनाए । त्यस्तै खेलको ४५ औं मिनेटमा केनले अर्को गोल पहिलो हाफमा नै ३–० लियो । दोश्रो हाफको ६३ औं मिनेटमा मोइसले गोल गर्दै खेलमा फर्किन कोसिस गरेपनि खेलको ७९ औं मिनेटमा लेनाड्रोले थप अर्को गोल गर्दै ४–१ गोलको जित दिलाए । यस जितसंगै पीएसजी ६६ अंक सहित लिगको दोश्रो स्थानमा रहेको छ । लिलेको ६९ अंक सहित लिगको पहिलो स्थानमा रहेको छ।