स्पेनिस ला लिगामा एट्लेटिको मड्रिडले रियल बेटिससँग बराबरीमा खेलेको छ। आइतबार साँझ भएको खेलमा लिग लिडर एट्लेटिको रियल बेटिससँग १-१ गोलको बराबरीमा रोकिएको हो। खेल सुरु भएको ५ मिनेटमा नै एट्लेटिले अग्रता लिएको थियो । यान्निक कारस्को अन्जेल कोर्रेको पासमा टिमलाई अग्रता दिलाए । सुरुवात मै अग्राता लिए पनि एट्लेटिले त्यसलाई कायम गर्न सकेन। खेलको २० औं मिनेटमा बेटिसका क्रिस्टियन टेलोले खेललाई बराबरीमा पुराए । यससंगै एट्लेटिको लिगको शिर्ष स्थानमा कायमै छ । एट्लेटिको ६७ अंक सहित लिगको शिर्ष स्थानमा रहेको छ भने रियल अंक काम दोश्रो स्थान र बार्सिलोना त्यो भन्दा २ अंक कम सहित लिगको तेस्रो स्थानमा रहेको छ ।