इंग्लिस प्रिमियर लिगमा म्यानचेस्टर युनाइटेडले टोटेनहमलाई पराजित गरेको छ । आइतबार राति भएको खेलमा युनाइटेडले टोटेनहमलाई ३-१ को गोल अन्तरले पराजित गरेको हो । टोटेनहमको घरेलु मैदानमा भएको खेलमा ४० औं मिनेटमा लुकास मौराको सहायतामा सन मिनले अग्रता दिलाए । पहिलो हाफमा अग्रता दिलाए टोटेनहमले दोश्रो हाफमा कायम गर्न सकेन । दोश्रो हाफको ५७ मिनेटमा फ्रेडले खेल बराबरीमा पुराए । त्यस्तै खेलको ७९ औं मिनेटमा मेसन ग्रीनउडको पासमा काभानीले गोल गर्दै खेलमा अग्रता लिई र खेलको इन्जुरी समयमा पोग्बाको सहायतामा ग्रीनउडले गोल गर्दै खेललाई ३-१ मा पुराए। यससंगै ३१ खेल खेलेको युनाइटेड ६३ अंक सहित लिगको दोश्रो स्थानमा रहेको छ भने शिर्ष स्थानमा रहेको म्यानचेस्टर सिटि युनाइटेड भन्दा ११ अंकमाथि छ। लेस्टर सिटि ५६ अंक सहित लिगको तेस्रो स्थानमा रहेको छ । तुस्तई हार बेहोरेको टोटेनहम ४९ अंक सहित लिगको ७ औं स्थानमा रहेको छ।