आइपिएल २०२१ सिजनको १६ औं खेलमा रोयल च्यालेन्जर्स बेङ्गलुरुले राजस्थान रोयल्सलाई १० विकेटले पराजित गरेको छ । मुम्बईको वानखेडे स्टेडियममा भएको खेलमा टस हरेर ब्याटिंगका लागि क्रिजमा उत्रेको राजस्थानले २० ओभरमा ९ विकेटको नोक्सानमा १७७ रन बनायो। त्यसको जबाफमा बेङ्गलुरुली १६.३ ओभरमा १८१ ओभर बनाउदै खेलमा जित हात गरेको हो । आरसिबिका देवदत्त पडिक्कलले ५२ बलमा १०१ रन र बिरात कोहलीले ४७ बलमा ७२ रन बनाएर नटआउट भएका थिए । पडिक्कलको यो आइपिएलमा पहिलो शतक हो । त्यस्तै बिराटले भने आइपिएलमा ६ हजार रन पुरा गरे भने उनले लिगमा अहिलेसम्म ४० अर्धशतक लगाएका छन् । राजस्थानमाथि आरिसीबिको यो लगातार तेस्रो जित हो। यस भन्दा अघिको सिजनमा आरसिबिले राजस्थानलाई २ खेलमा लगातार हराएको थियो । आरिसिबीको यस सिजनको यो चौथो जित हो । यो संगै आरिसिबी अंक तालिकामा शिर्ष स्थानमा रहेको छ भने राजस्थान ४ खेलमा १ जित र ३ हार बेहोर्दै लिगको अन्तिम स्थानमा रहेको छ । [team_standings 21413]