चेल्सी च्याम्पियन्स लिगको फाइनलमा प्रवेश गरेको छ । गएराति इंग्लिस प्रिमियर लिग क्लब चेल्सीले स्पेनिस क्लब रियल म्याड्रिडलाई २–० ले हराउदै समग्रमा ३–१ को नतिजा निकाल्दै च्याम्पियन्स लिगको फाइनलमा प्रवेश गरेको हो । हिजो घरेलु मैदानमा भएको दोश्रो लेगमा चेल्सीका तर्फबाट २८औँ मिनेटमा टिमो वार्नरले र ८५औँ मिनेटमा मासोन माउन्टले गोल गरेका थिए । यस अघिको पहिलो लेगमा चेल्सी र रियल १–१ गोलको बराबरी खेलेको थियो । जित संगै चेल्सीले अब फाइनलमा म्यानचेस्टर सिटिसंग भिड्नेछ । चेल्सी अहिले सम्म तीन पटक चाम्पियन्स लिगको फाइनलमा पुगेको छ । यसअघि सन् २०१२ मा चेल्सीले च्याम्पियन्स लिगको उपाधि उचालेको थियो। अब फाइनल खेल २९ मे मा टर्कीको इस्तानबुलमा हुनेछ।