राप्रपा अध्यक्ष कमल थापाले राजसंस्था हटाउदा भ्रष्टाचार, धर्मपरिवर्तन, सर्वसत्तावाद र बिदेशी हस्तक्षेपले राष्ट्र कमजोर भएको आराेप लगाएका छन् । गणतन्त्र दिवसका अवसरमा अध्यक्ष थापाले राजसंस्थासहितको प्रजातन्त्र पुनर्स्थापना वारे पुनर्विचार गर्न समेत माग गरेका छन् । सामाजिक सञ्जाल ट्वीटरबाट अध्यक्ष थापाले देश र जनता बलियो नभएकाे समेत टिप्पणी गरेका छन् । अध्यक्ष थापाले लेखेका छन् 'जेठ १५गते- १३ बर्ष अघि राष्ट्रियता/एकताको प्रतिक राजसंस्था पाखालगाई गणतन्त्र घोषणा गरिएको थियो।राजसंस्था हटाएर देश र जनता बलियो भएका छैनन्। बरू भ्रष्टाचार, धर्मपरिवर्तन, सर्वसत्तावाद र बिदेशी हस्तक्षेपले राष्ट्र कमजोर भएको छ। राजसंस्थासहितको प्रजातन्त्र पुनर्स्थापना वारे पुनर्विचार गरौँ। '