युरोकप: टर्कीमाथि शानदार जीत निकाल्दै इटालीको बिजयी सुरुवात (हाइलाइटस)

हिमाल दैनिक शनिबार, जेठ २९, २०७८

युरोकप: टर्कीमाथि शानदार जीत निकाल्दै इटालीको बिजयी सुरुवात (हाइलाइटस) — demiral_1623447741

इटालीले युरोकप २०२१ मा बिजयी सुरुवात गरेको छ । रोमको स्टेडियो ओलिम्पिको रंगशालामा युरोपियन च्याम्पियनसिप युरोकपको १६ औं संस्करणको पहिलो खेलमा इटालीले टर्कीलाई ३-० ले पराजित गरेको छ । गए राति भएको खेलमा इटालीका स्ट्राइकर सिरो इमोबिल र इन्सिग्नेले १-१ गोल गरेका थिए भने टर्कीका देमिरालले आत्मघाती गोल गरेका थिए । टर्की संगको पछिल्लो ११ खेलमध्य इटालीको यो ८ औं जित हो जहाँ ३ खेल ड्रा भएको थियो।

पहिलो हाफको हाइलाइटस:

टर्कीका डिफेन्डरले इटालीलाई रोक्न निकै कठिनाइ भएको थियो । पहिलो हाफमा खेल गोल रहित बराबरीमा सकिएको थियो । पहिलो हाफमा इटालीले १४ शट हानेका थिए जसमा ३ अन टार्गेट थियो । टर्कीका गोलकिप्पर सकीरले भने सबै अन टार्गेट बललाई बचेका थिए । पहिलो हाफमा इटालीको टिम संग ६८ प्रतिशत र टर्की संग ३२ प्रतिशत बल पोजेसन रहेको थियो ।

खेलको तेस्रो मिनेटमा इटालीका फ्लोरेनजीले इमोबिललाई शानदार पास दिएका थिए तर इमोबिलले त्यसलाई सदुपयोग गर्न सकेनन ।
२१ औं मिनेटमा इमोबिलले फेरी एक पटक पोस्टमा शुट गरे तर सोयूनकूले त्यसलाई बक्सभित्र नै ब्लक गरे ।

[caption id="attachment_24151" align="aligncenter" width="600"]

चेलिनीले हानेको हेडर सकीरले डाइव हानेर बचाए।[/caption]

२२ औं मिनेटमा इटालीलाई कर्नर पायो । इन्सिग्नेको शटमा चेलिनीले हेडर लिए तर टर्कीका गोलकिप्पर सकीरले त्यलाई रोके।
२३ औं मिनेटमा इटालीका बोनुचीले टार्गेट मिस गरे।
२९ औं मिनेटमा इटालीका बरेलाले शानदार शट लिए तर टार्गेट मिस भयो।
३३ औं मिनेटमा इमोबिलले टार्गेट मिस गरे। हेडर लिने समयमा टर्कीका २ डिफेन्डरले उनलाई ब्लक गरे।
३७ औं मिनेटमा इन्सिग्नेले पेनाल्टी एरियाबाहिर बाट शट गरे तर सकीरले त्यसलाई बायाँ तर्फ डाइव गरेर बचाए गरे।
३९ औं मिनेटमा इटालीका बेरार्दीले टार्गेट मिस गरे।

[caption id="attachment_24152" align="aligncenter" width="600"]

इटलीका खेलाडीलाई ब्लक गर्न कोसिस गर्दै टर्कीका गोलकिप्पर सकीर।[/caption]

४३ औं मिनेटमा इमोबिलले अर्को शट हाने तर सकीरले त्यसलाई रोके।
४५ औं मिनेटमा इन्सिग्नेले हानेको बल टर्कीका डिफेन्डरले ब्लक गरे। त्यस्तै बेरार्दीले पनि टार्गेट मिस गरे।

दोश्रो हाफको हाइलाइटस:

पहिलो हाफ गोल रहित बराबरीमा खेलेको इटालीले दोश्रो हाफमा भने ३ गोलको अग्रता लियो। दोश्रो हगमा इटालीले १० शट हानेको थियो जसमा ५ अन टार्गेट थियो । इटाली टर्कीमाथि यति हाबी भएको थियोकी ९० मिनेटको खेलमा टर्कीले ३ पटक मात्र काउन्टर अट्याक गर्न सक्यो। खेल सकिने बेलामा इटाली संग ६४ प्रतिशत र टर्की संग ३६ प्रतिशत बल पोजेशन रहेको थियो । त्यस्तै इटालीले यस खेलमा ६१६ र टर्कीले ३६० पास कमप्लिट गरेका थिए । टर्कीका २ खेलाडी सोयूनकूले ८८ औं र दर्वीसोग्लूले ९० औं मिनेटमा फ़ाउल गरेर १-१ पहेलो कार्ड खाएका थिए ।

[caption id="attachment_24147" align="aligncenter" width="600"]

देमिरालको आत्मघाती गोल।[/caption]

५३ औं मिनेटमा बेरार्दीले टर्कीको बक्सभित्र राइट फ्लैकबाट लिएको शट टर्कीका लागि आत्मघाती साबित भयो । बल देमिरालको शरीरमा लगेर गोल भएको थियो।
५४ औं मिनेटमा इमोबिलले पेनाल्टी एरिया बाहिरबाट शट हान्ने कोशिस गरे । बल क्रसबार बाहिरबाट गयो।
५८ औं मिनेटमा चेलिनीले टार्गेट मिस गरे । यतिखेर लोकातेलीले पनि गोल गर्न कोसिस गरेपनि सफलता हात परेनन्।
५९ औं मिनेटमा बेरार्दीले टार्गेट मिस गरे।
६६ औं मिनेटमा स्पिनाजोलाले टर्कीको पेनाल्टी एरियामा गोल पोस्टमा शट हाने । तर टर्कीका गोलकिप्पर सकीरले बचाए । तर बल इमोबिलसंग पुग्यो र उनले खेलको दोश्रो गोल गरे ।
[caption id="attachment_24148" align="aligncenter" width="600"] सिरो इमोबिलले १४ औं अन्तराष्ट्रिय गोल, यस संगै इटली २-० ले अगाडी[/caption]
७९ औं मिनेटमा इन्सिग्नेले शानदार कर्व गोल गर्दै खेललाई ३-० मा पुराए ।
[caption id="attachment_24149" align="alignnone" width="600"] इन्सिग्नेले कर्व शट हान्दै इटलीलाई ३-० को जीत दिलाए।[/caption]
९० मिनेट पछि ४ मिनेटको इजुरी समय थपिएको थियो । तर, त्यसबेला कुनै गोल हुन सकेन र इटालीले सहज जीत हात पर्यो।

इटालीले रोममा कुनै पनि ठुलो खेल वा टुर्नामेन्ट हारेको छैन । बिश्वकप् र युरो कप गरि अहिलेसम्म ओलिम्पिकोमा इटालीले ८ खेल खेलेको छ जसमा ७ मा जित हात परेको छ भने २ खेल ड्रा भएको छ । पछिल्लो ८ खेलमा ओलिम्पिकोमा इटालीविरुद्ध कुनै पनि टिमले खाता खोल्न सकेको छैन।

[caption id="attachment_24150" align="aligncenter" width="600"] italy-eurocup

जीतपछि इटली टीम।[/caption]

फिफा रैकिङ्ग

इटाली ७ औं स्थानमा

इटाली यस बर्षको युरोकपको दाबेदारको रुपमा लिइएको छ । यस टिमले क्वालीफ़ाइङ्ग इभेतमा आफ्नो सबै १० खेल मा जीत हात परेको छ । इटालीले १९६८ मा युरोकप जितेको थियो । त्यसपछि इटालीले अहिलेसम्म युरोकप हात परेको छैन ।

सन् २०१६ को युरोकपमा इटाली जर्मनी संग क्वाटर फैनलमा पराजित भएको थियो । खेल १-१ मा सकिएपछि जर्मनीले पेनाल्टी शुट आउटमा इटालीलाई ६-५ को गोल अन्तरले पराजित भएको थियो। त्यस्तै इटाली सन् २००० र सन् २०१२ को सिजनमा रनर अप भएको छ।

टर्की २९ औं स्थानमा

टर्कीले अहिले सम्म ५ युरो कपमा खेलेको छ । टर्कीले सन् २००८ को यूरो कपमा शानदार प्रदर्शन गरेको थियो ।

त्यस सिजनमा टर्की सेमी फाइनल पुगेको थियो । टर्की लगातार दोश्रो पटक युरोकपका लागि क्वालिफाई भएको हो ।

यस भन्दा अघि सन् १९९६ र २००० मा टिमले लगातार २ पटक युरोकपमा क्वालिफाई भएको थियो । सन् २०२० को युरोकपमा क्वालिफ़ाइङ्ग राउण्डमा टर्कीले १० खेल मा ३ गोल खाएको थियो। त्यस्तै डिफेन्डमा जाइटले बेस्ट पर्फर्मेन्स पाएका थिए।