नेपालमा आइतबार थप दुई हजार चार सय ७ जनामा कोरोना पुष्टि भएको छ । देशभर गरिएको ७ हजार ५ सय १७ पिसिआर परिक्षणका क्रममा १ हजार ६ सय ९४ र ४ हजार ८ सय ८९ एन्टीजेन परिक्षणका क्रममा ७१३ जनामा कोरोना पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संंख्या ६ लाख २८ हजार ९४२ पुगेका छ । त्यस्तै कोरोनाका कारण थप ४६ जनाको मृत्यु भएको छ । नेपालमा हालसम्म ८ हजार ४ सय १२ जनाले कोरोनाका कारण ज्यान गुमाएका छन् । त्यस्तै थप ३ हजार ९ सय ९४ जना संक्रमणमुक्त हुँदा हालसम्म नेपालमा ५ लाख ३१ हजार १०५ जना संक्रमणमुक्त भएका छन् । हाल नेपालमा ६८ हजार ९५५ जना आइशालेशनमा र ५४८ जना क्वारेन्टाइनमा छन् । हालसम्म नेपालमा ३२ लाख १४ हजार ७२५ पिसिआर र १ लाख ७ हजार ८ सय २९ एन्टीजेन परिक्षण गरिएको मन्त्रालयले जनाएको छ ।