युरोकपको समूह 'डि' को खेलमा इंगल्यान्डले स्कटल्यान्डसँग गोल रहित बराबरी खेलेको छ । शुक्रबार बेम्बली स्टेडियममा भएको खेलमा इंगल्याण्ड र स्कटल्यान्ड गोल रहित बराबरीमा खेल्दा एक एक अंक बढ्न बाध्य भएका हुन् । इंगल्याण्डले पहिलो खेलमा क्रोसियालाई १-० को गोल अन्तरले पराजित गरेको थियो । त्यस्तै स्कटल्याण्ड भने पहिलो खेलमा चेक रिपब्लिकसंग २-० को गोल अन्तरले पराजित भएको थियो । यस अघि समुह 'डि' कै खेलमा क्रोसिया र चेक रिपब्लिक १-१ गोलको बराबरी खेलेको थियो । यस संगै समुह 'डि' मा चेक रिपब्लिक ४ अंक सहित शिर्ष स्थानमा रहेको छ। दोश्रो स्थानमा इंगल्याण्ड ४ अंक र क्रोसिया र स्कटल्याण्ड १-१ अंक सहित तेस्रो र चौथो स्थानमा रहेका छन् ।