बुधबार थप दुई हजार चार सय २१ जनामा कोरोना संक्रमण पुष्टि भएको छ । १२ हजार चार सय १४ जनामा कोरोना परीक्षण गर्दा २ हजार ४ सय २१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । कोरोना संक्रमणबाट थप ५२ जना र छुटेका २९ जना गरी कूल ८१ जनाको मृत्यु भएको मन्त्रालयले जनाएको छ । बुधबार मात्रै तीन हजार पाँच सय ५८ जना कोरोना संक्रमणमुक्त भएका छन् । उपत्यकाका भक्तपुरमा ५७, ललितपुरमा ९४ र काठमाडौंमा तीन सय ४६ गरी कूल चार सय ९७ जनामा कोरोना संक्रमण पुष्टि भएको स्वास्थ्य तथा जसंख्या मन्त्रालयले जनाएको छ । देशभर सक्रिय संक्रमितको संख्या ५० हजार ५२० रहेको छ । जसमध्ये ४७२४६ जना होम आइसोलेसनमा र ३ हजार २३४ जना क्यारेन्टाइनमा रहेका छन् ।