कोपा अमेरिकामा इक्वेइडरले ब्राजिललाई बराबरीमा रोकेको छ । सोमबार बिहान समूह 'बी' को अन्तिम खेलमा इक्वेइडरले आयोजक टिम ब्राजिललाई १-१ गोलको बराबरी रोक्दै अन्तिम आठमा प्रवेश गरेको हो । एस्टाडिओ ओलिम्पिको पेद्रो लुडोविको स्टेडियममा भएको खेलमा खेलको ३७ औं मिनेटमा एभर्टनको पासमा इडर मिलिटाओले गोल गर्दै खेलमा अग्रता लिए । ब्राजिलले पहिलो हाफमा लिएको अग्रता दोश्रो हाफमा कायम गर्न सकेन । खेलको ५३ औं मिनेटमा इक्वेइडरका एन्जल मेनाले गोल गर्दै खेल बराबरीमा पुराए । यससंगै समूह चरणमा ब्राजिलको अपराजितको यात्रा कायमनै रहेको छ। समुह 'बी' मा यस अघि तीन खेलमा जित निकाल्दै ब्राजिल पहिलै अन्तिम ८ मा प्रवेश गरेको थियो । त्यस्तै आज भएको समूह बी को अर्को खेलमा पेरुले भेनेजुएलालाई १-० गोलले पराजित गरेको छ। खेलको ४८ औं मिनेटमा आन्द्रे मार्टिनल गरेको गोल नै खेलको निर्णायक गोल बन्न पुग्यो। यस संगै भेनेजुएला समूह चरणबाट बाहिरियो भने पेरु अन्तिम आठमा पुगेको छ । समूह 'बी' मा १० अंक सहित ब्राजिल शिर्ष स्थानमा रहेको छ। त्यस्तै पेरुले ७ सहित दोश्रो ,कोलम्बिया ४ अंकसहित तेस्रो, इक्वेइडरले ३ अंकसहित चौथो स्थानमा रहेको छ भने भेनेजुएलाले २ अंक सहित अन्तिम स्थानमा रहेको छ ।