इङ्ग्ल्याण्ड यूरोकप २०२०को अन्तिम ८ मा प्रवेश गरेको छ । मंगलबार राति भएको खेलमा जर्मनीलाइ पराजित गर्दै इङ्ग्ल्याण्ड यूरोकपको अन्तिम ८ मा आफ्नो स्थान सुनिश्चित गरेको हो । घरेलु मैदानमा भएको खेलमा इङ्ग्ल्याण्डले जर्मनीलाई २-० ले पराजित गरेको हो । पहिलो हाफ बाराबारीमा खेलेको इङ्ग्ल्याण्डले दोश्रो हाफको ७५ औं मिनेटमा अग्रता लिएको थियो । लुक शाको पासमा रहिम स्टर्लिङले पहिलो गोल गरेका थिए । त्यस्तै खेलको ८६ औं मिनेटमा ह्यारी केनले गोल गर्दै अग्रता दोब्बर बनाए । यसअघि इङ्ग्ल्याण्डले जर्मनीलाई सन् १९६६ को विश्वकपको फाइनलमा पराजित गरेको थियो । यससंगै जर्मनी यस पटकको युरोकपको नकाउट चरणबाट नै बाहिरिएको छ । अब इङ्ग्ल्याण्डले क्वाटरफाइनलमा युक्रेनसंग सामना गर्नेछ ।