इंग्ल्याण्ड युरोकप २०२० को सेमी फाइनलमा प्रवेश गरेको छ । आइतबार बिहान भएको क्वार्टरफाइनल खेलमा इंग्ल्याण्डले युक्रेनलाई ४-० गोल अन्तरले पराजित गर्दै अन्तिम ४ मा आफ्नो स्थान सुनिश्चित गरेको हो । स्टेडियो ऑलिंपिकोमा युरोकप क्वाटरफाइनलको अन्तिम खेलमा इंग्ल्याण्डले ४ औं मिनेटमा नै अग्रता लिएको थियो । रहिम स्टर्लिङको असिस्टमा कप्तान ह्यारी केनले पहिलो गोल गरेका थिए । पहिलो हाफमा एक गोलको अग्रता लिएको इंग्ल्याण्डले दोश्रो हाफमा गोल अन्तर झन् बढायो । दोश्रो ४६ औं मिनेटमा लुक शाको फ्रिकिङमा ह्यारी माग्युरले हेडर मार्फत गोल गर्दै अग्रता दोब्बर बनाए। त्यसको पाँच मिनेट पनि नबित्दै शालेको अर्को पासमा ह्यारीले हेडर मार्फत व्यक्तिगत दोश्रो गोल गरे। पछि इंग्ल्यान्डले तेस्रो गोल गर्‍यो। त्यस्तै ६३ औं मिनेटमा इंग्ल्याण्डका तर्फबाट मासन माउन्टको पासमा जोर्डन हेन्डर्सनले चौथो गोल गरे। यससंगै इंग्ल्याण्ड २५ बर्ष पछि यूरोकपको सेमी फाइनलमा प्रवेश गरेको हो । त्यस्तै, यसअघिको खेलमा डेनमार्कले चेक गणतन्त्रलाई २-१ ले हराउदै सेमी फाइनलमा प्रवेश गरेको थियो । अब अन्तिम चारमा मंगलबार इटाली र स्पेन र बुधबार इंग्ल्याण्ड र डेनमार्क प्रतिस्पर्धा गर्ने छन्।