भारतीय प्रधानमन्त्री नरेन्द्र मोदीले प्रधानमन्त्री शेरबहादुर देउवालाई कोरोना महामारी बिरुद्धको लडाईमा सक्दो सहयोग र सहकारी गरेर अगाडी बढ्ने आसोआसन दिएका छन् । संसदवाट अत्यधिक बहुमत सहित बिश्वासको मत प्राप्त गरेका प्रधानमन्त्री देउवालाई सोमबार अपराह्न टेलिफोन गरि शफलताको शुभकामना दिएका थिए । प्रधानमन्त्री कार्यलय स्रोतका अनुसार देउवासंगको कुराकानीमा मोदीले दुई देशबीचको सरकार र नागरिकको सम्बन्धलाई प्रगाढ र बलियो बनाउदै अहिले देखिएको कोरोनाको चुनौती बिरुद्ध लड्न आवश्यक खोपको व्यवस्था गर्ने बारेपनि छलफल भएको थियो। नेपाली जनताको ज्युज्यान र स्वास्थ्यका निम्ति देउवाले गरेको कुराकानी पश्चात मोदीले नेपालमा खोपको अभाव हुन नदिने आसोआसन पनि दिएको बताइएको छ।