स्पेनिस ला लिगामा एट्लेटिको म्याड्रिडले इल्चेलाई पराजित गरेको छ। आइतबार राति भएको खेलमा एट्लेटिकोले इल्चेलाई १–० को गोल अन्तरले पराजित पराजित गरेको हो । खेलको ३९ औं मिनेटमा रोड्रिगो डि पउलको पासमा एन्जल कोरेआले गोल गर्दै खेलमा अग्रता दिलाए । कोरेआले गरेको एक मात्र गोल नै यस खेलको निर्णायक गोल बन्न पुग्यो । पहिलो हाफको इन्जुरी समयमा लुकास बोएले गोलको प्रयत्न गरेका थिए । उनले हानेको बल क्रसबारमा लागि बाहिरिएको थियो । एट्लेटिको यो यस सिजनको लगातार दोश्रो जीत हो । यस अघिको खेलमा एट्लेटिकोले सेल्टा डि भिगोलाई पराजित १-० को गोल अन्तरले पराजित गरेको थियो । लगातार दुई खेलमा जीत हात पारेको एट्लेटिको ६ अंक बटुलेको छ भने इल्चेले केवल एक अंक जोडेको छ ।