कतार फिफा विश्वकप छनोट अन्तर्गत युरोपेली छनोटमा क्रिष्टियानो रोनाल्डो बिनाको पोर्चुगलले मंगलबार राति भएको खेलमा शानदार जित दर्ता गरेको छ । अवे मैदानमा भएको खेलमा पोर्चुगलले अजरबैजानलाई ३–० ले पराजित गरेको हो । पोर्चुगलका लागि २६ औँ मिनेटमा बेर्नार्दो सिल्भा, ३१ औँ मिनेटमा आन्द्रे सिल्भा तथा ७५ औँ मिनेटमा जोताले गरे । रोनाल्डोले अन्तर्राष्ट्रिय जिम्मेवारीबाट चाँडो बिदा पाएका छन् । उनी अहिले परिवारसहित बिदा मनाइरहेका छन् । मंगलबार रातिको जितसँगै पोर्चुगल समूह ए को शीर्ष स्थानमा पुगेको छ । तर विश्वकपमा लागि सीधै छनौट हुने सम्भावना भने अझै निश्चित भएको छैन । पोर्चुगलको पाँच खेलबाट १३ अंक भएको छ ।