पोर्चुगिज सुपर स्टार क्रिष्टियानो रोनाल्डोले म्यानचेस्टर युनाइटेडबाट शानदार डेव्यु गरेका छन्। उनको यो वल्ड टाफोर्डमा दोस्रो पटक डेब्यु हो । रोनाल्डोले शनिबार न्युकासल युनाइटेडविरुद्ध डेब्यु गर्दा टिमलाई शानदार जित पनि दिलाए । म्यानचेस्टर युनाइटेड ४–१ गोल अन्तरले जित दर्ता गर्दा रोनाल्डोले दुई गोल गरेका थिए । पहिलो हाफको अतिरिक्त दोस्रो मिनेटमा रोनाल्डोले गोल गरेका थिए । सोही गोलले पहिलो हाफमा अग्रता लिएको म्यानचेस्टर युनाइडेले दोस्रो हाफमा अरु ३ गोल थपेको थियो । एक गोल भने खान पुग्यो । जाभियर मानक्युलोले ५६ औं मिनेटमा गोल गर्दै न्युकासललाई बराबरीमा ल्याएका थिए । तर, ६२ औं मिनेटमा रोनाल्डोले व्यक्तिगत दोस्रो गोल गर्दा म्यानचेस्टर युनाइटेड २–१ ले अघि बढेको थियो । त्यसपछि ब्रुनो फर्नान्डेजले ८० औं मिनेटमा गोल गरेपछि  म्यानचेस्टर युनाटेड ३–१ गोलले अघि बढाए । दोस्रो हाफको अतिरिक्त समयमा जेसस लिंगार्डले गोल गरेपछि म्यानचेस्टर युनाइटेड ४–१ गोल अन्तरले विजयी भयो । यस्तै अन्य खेलमा आर्सनलले नर्विच सिटीलाई १–० गोल अन्तरले पराजित गर्दा वुल्भरह्याम्पटनले वाटफोर्डमाथि २–० ले जित दर्ता गरेको छ । यसैगरी म्यानचेस्टर सिटीले लेस्टर सिटीलाई १–० ले जितेको छ । ब्राइटनले ब्रेन्टफोडलाई १–० ले पराजित गर्दा साउथ ह्याम्पटन र वेस्टह्याम युनाइटेड भने गोलरहित बराबरी खेलेका छन् । फुटबल करियको शुरुवातमा युनाइटेडमा रहेका रोनाल्डो त्यसपछि रियल मड्रिड गएका थिए । मड्रिडबाट पीएसजी गएका रोनाल्डो यसै सिजनको समर ट्रान्सफर मार्फत म्यानचेस्टर युनाइटेड आएका हुन् ।