कोरोना महामारीका कारण मे २ बाट स्थगित भएको इन्डियन प्रिमियर लिग आजदेखि सुरु भएको छ । १४० दिन सम्म स्थगित भएको आइपिएल खेल अब युएईमा सुरु भएको हो । आज आइपिएलको डिफेण्डिङ्ग च्याम्पियन मुम्बई इन्डियनस र चेन्नई सुप्पर किंग्स बीच खेल जारी छ । टस जितेर चेन्नई अहिले ब्याटिंगका लागि क्रिजमा उत्रिएको छ । रोहित शर्मा भने आजको खेल खेलेका छैन। अहिले टिमको कप्तानी किरोन पोलार्डले सम्हालेका छन् । पोलार्डले छैठौ पटक मुम्बईको कप्तानी सम्हालेका हुन् । पछिल्लो अंक तालिका अनुसार दिल्लीको १२ अंक रहेको छ भने चेन्नईको १० अंक रहेको छ । चेनाइको नेट रन रेट दिल्ली भन्दा राम्रो छ जसका कारण खेल ड्रा भएमा चेन्नई दिल्ली भन्दा माथि जानेछ । त्यस्तै मुम्बईको जित भएक खण्डमा यो टिम लिगको चौथो वा तेस्रो स्थानमा पुग्ने छ । मुम्बईको अहिले ८ अंक रहेको छ ।