आइपिएल-२०२१ फेज-२ को दोश्रो खेलमा आज रोयल च्यालेन्जर्स बेंगलुरु (आर्सिबी) र कोलकाता नाइटराइडर्स (केकेआर) बिचको खेल केहि समयमा सुरु हुँदैछ । आजको खेलमा आर्सिबीक कप्तान विराट कोहली दुई नयाँ रेकर्ड तोड्दै छन्। आरिसिबीका कप्तान कोहलीको यो आइपिएलमा २०० औं खेल हो । आइपिएलको इतिहासमा कुनै एक टिमबाट यति धेरै खेल खेलेको कोहली पहिलो खेलाडी हुन् । समग्र्हमा हेर्दा यो रेकर्ड राख्ने उनि ५ औं खेलाडी हुन् । यस अघि आइपिएलमा महेन्द्र सिंह धोनी, दिनेश कार्तिक, रोहित शर्मा र सुरेश रैनाले आइपिएलमा २०० खेल खेली सकेका छन्। त्यस्तै आज कोहलीले आफ्नो १० हजार रन पुरा गर्न सक्नेछन् । टि-२० क्रिकेटमा १० हजार रन पुरा गर्ने बिराट पहिलो भारतीय बन्न सम्भावना आजको खेलमा छ । त्यसका लागि आज उनले ७१ रन बनाउनु पर्ने छन् । यस अघि १० हजार रन क्रिस गेल, कीरोन पोलार्ड, शोएब मलिक र डेविड वॉर्नरले पर गरिसकेका छन् ।