आइपिएल २०२१ को फेज-२ मा दिल्ली क्यापिटल्सले लिगको शीर्ष स्थानमा उक्लिएको छ । गए राती भएको खेलमा दिल्लीले सनराइजर्स हैदराबादलाई ८ विकेटले पराजित गर्दै लिगको शिर्ष स्थानमा उक्लिएको हो । टस जितेर ब्याटिंगका लागि क्रिजमा उत्रिएको हैदराबादले ९ विकेट गुमाउदै १३५ रन को लक्ष्य दिएको दिएको थियो । जसको जबाफमा दिल्लीले उक्त टार्गेट २ विकेटको नोकासनमा हासिल गर्यो । दिल्लीको जितमा श्रेयस अय्यरले ४१ बलमा ४७ र कप्तान ऋषभ पन्तले २१ बलमा ३५ रन बनाएका थिए । यो सिजनमा हैदराबादको यो लगातार चौथो हार हो । आइपिएल मा अहिले सम्म ८ खेल खेलेको हैदराबादले अहिले सम्म १ खेल मात्र आफ्नो नाम गर्न सक्नेको छ । टिम प्ले अफमा जानका लागि अब ७ खेल मध्ये कम्तिमा पनि ६ खेल जित्नु पर्ने छ भने आफ्नो रन रेट पनि सुधार्नु पर्नेछ । खेलमा ८ विकेटले जित निकाल्दै दिल्ली एक पटक फेरी अंक तालिकामा १४ अंक साथ लिगको शिर्ष स्थानमा पुगेको छ । त्यस्तै चेन्नई सुपर किंग्स १२ अंक सहित लिगको दोश्रो स्थानमा रहेको छ । हैदराबाद भने लिगको अठौ स्थानमा रहेको छ ।