स्पेनिस लालिगामा रियल म्याड्रिडले शानदार जित निकालेको छ । गए राति मलोर्कासंगको खेलमा रियलले ६-१ को फराकिलो गोल अन्तरले जित हासिल गरेको हो । खेलसुरु भएको तेस्री मिनेटमा कप्तान करिम बेन्जेमाले गोल गर्दै खेलमा अग्रता लिए । खेलको २४ औं मिनेटमा मार्काे एसेन्सियाले गोल अग्रता दोब्बर बनाए । गोल भएको एक मिनेट पनि नबित्दै काङ इन लिले गोल गर्दै खेललाई २–१ मा पुराए । खेलको २९औं मिनेटमा करिम बेन्जेमाको पासमा एसेन्सियाले गोल गर्दै पहिलो हाफमा ३-१ को नतिजा निकाल्यो । दोश्रो हाफको ४९औं मिनेटमा कप्तान बेन्जेमाले गोल गरे तर भिएआरको सहायताका कारण उनको गोलले मान्यता पाउन सकेन। खेलको ५५औं मिनेटमा बेन्जेमाको पासमा अर्को पासमा एसेन्सियाले गोल गर्दै खेलमा आफ्नो ह्याट्रिक पुरा गरे । खलेको ७८औं मिनेटमा डेभिड अलाबाको पासमा बेन्जेमाले व्यक्तिगत दोस्रो गर्दै खेल ५-१ मा पुराए । खेलको ८४औं मिनेटमा भिनियिस जुनियरको पासमा इस्को(सब्सिच्युट)ले गोल गर्दै खेल ६-१ मा समापन गरे । इस्को एसेन्सियाको स्थानमा खेलको ७२औं मिनेटमा मैदान परिवेश गरेका थिए । यससंगै रियलको अपराजित यात्रा कायम नै रहेको छ । ६ खेल खेलेको रियलले १६ अंक जोड्दै लिगको शीर्षस्थानमा उक्लिएको छ ।लिगको दोश्रो स्थानमा एट्लेटिको म्याड्रिड रियल भन्दा २ अंकले पछि पारेको छ । मलोर्का ८ अंक सहित लिगको १०औं स्थानमा झरेको छ ।