धर्नामा बसेकामाथि मन्त्रीले हातपात गरेको भन्दै बिरोध कांग्रेस पार्टी कार्यलयमा बिरोध
क्रियाशिल विवाद समाधान गर्नुपर्ने मागसहित धर्नामा बसेकाहरुलाई मन्त्रीले हातपात गरेको भन्दै कांग्रेसका नेता कार्यकर्ताले पार्टी कार्यालय सानेपामा नारावाजीसहित बिरोध गरेका छन् ।
बिहीबार सानेपामा कांग्रेस संस्थापन इतर समूहको नेताहरुसहित कार्यकर्ताहरुले नारावाजीसहित बिरोध जनाएका हुन् । कांग्रेस सांसद अमरेशकुमार सिंहको नेतृत्वमा भएको विरोध प्रदर्शनमा नेताहरु प्रकाशमान सिंह, शेखर कोइराला लगायतका नेता तथा कार्यकर्ताहरु सहभागी थिए ।
मंगलबार प्रदेश–२ का युवा तथा खेलकुद र महिला बालबालिका मन्त्री वीरेन्द्रप्रसाद सिंहले सर्लाही जिल्ला बरहथवा नगरपालिका–४ का वडाध्यक्ष लाखिन्द्र महतोलाई हतपात गरेको उनीहरुको आरोप छ । प्रदर्शनमा सहभागीहरुले विधान सम्मत क्रियाशील लागू गर्नुपर्ने, गुण्डागर्दी बन्द गर्नुपर्ने लगाएतका नारा लगाएमा थिए ।
त्यस्तै कांग्रेस नेता शेखर कोइराला प्रदेश दुईका ८ जिल्लाका क्रियाशिल विवाद टुङ्गो लगाउन नसकेको अवस्थामा धर्नामा बसेकामाथि नै हातपात हुने घटन सह्य नहुने बताए । पार्टी कव्जा गर्ने उदेश्यले जिल्ला जिल्लामा गुण्डागर्दी बढेको उनले बताए ।
त्यस्तै कांग्रेस नेता अमरेशकुमार सिंहले कार्यकर्ता कुट्ने मन्त्रीलाई कारवाही गर्न माग गरे । क्रियाशील सदस्यताको टुंगो नलाग्दा कांग्रेसको महाधिवेशन कार्यतालिका नै प्रभावित भएको छ ।
प्रकाशित मिति: बिहीबार, असोज ७, २०७८
प्रतिक्रिया दिनुहोस्
थप समाचार
