आइपिएल २०२१ को फेज-२ मा कलकता नाइट राइडर्स (केकेआर) ले शानदार जित निकालेको छ । बिहिबार भएको यस संस्करणको ३४ औं खेलमा केकेआरले मुम्बई इन्डियन्सलाई ७ विकेटले पराजित गरेको हो । टस हारेर ब्याटिंगका लागि क्रिजमा उत्रेको मुम्बईले ६ विकेटको नोक्सानमा १५६ रन को टार्गेट दिएको थियो । त्यसको जबाफमा केकेआर उक्त टार्गेट १५ . १ ओभरमा ३ विकेटको नोक्सानमा हासिल गर्यो । मुम्बईले दिएको लक्ष्य पुरा गर्न राहुल त्रिपाठीले शानदार ब्याटिंग गर्दै ४२ बलमा ७२ रन बनेका थिए । राहुलले यस खेलमा ८ चौका र ३ छक्क लगाउदै आइपिएलमा आफ्नो ७ औं अर्धशतक पुरा गरेका छन् । केकेआरका ओपनर वेंकटेश अय्यरले ३० बलमा ५३ रन बनाएका थिए । आफ्नो पारीमा उनले ४ चौका र ३ छक्क लागेका थिए । अय्यरले केवल २५ बलमा नै आइपिएल आफ्नो पहिलो अर्ध शतक पुरा गरेका छन् । दोश्रो विकेटका लागि अय्यर र राहुल त्रिपाठीले ५२ बलमा ८८ रनको साझेधारी गरेका थिए । यस संगै केकेआर ८ अंक सहित लिगको चौथो स्थानमा पुगेको छ भने मुम्बई चौथो स्थान बाट ६ औं स्थानमा झरेको छ । ---