अपराजित यात्रा कायम राख्दै नेपोली सिरी ‘ए' को शिर्ष स्थानमा
इटालियन सिरी ‘ए’ मा नेपोली शिर्ष स्थानमा पुगेको छ । गएराती भएको खेलमा नेपोलीले साम्पडोरियामाथि ४-० को फराकिलो जित निकाल्दै लिगको शिर्ष स्थानमा पुगेको हो ।
खेल सुरु भएको १०औं मिनेटमा भिक्टर ओसिमहेनले लोरेन्जो इन्सिग्नेको पासमा गोल गर्दै आफ्नो टिमलाई अग्रता दिलाए । त्यस्तै ३९ औं मिनेटमा फावियनले लोरेन्जोकै पासमा गोल गर्दै पहिलो हाफमा दोब्बर अग्रता लिए ।
खेलको दोस्र्हो हाफको ५०औं मिनेटमा भिक्टर ओसिमहेनले हिर्भिङ लोजानोको पासमा व्यक्तिगत दोस्रो गोल गर्दै खेल ३-० मा पुराए । ३ गोल गरेको एक मिनेट पनि नबित्दै लोजानोकै पासमा पिओटर जिलेन्स्कीले फेरी अर्को गोल गर्दै खेल ४–० पुराए ।
यस संगै नेपोलीको अपराजित यात्रा कायम राख्दै १५ अंक सहित लिगको शिर्ष स्थानमा उक्लिएको छ । १३ अंक सहित लिगको दोश्रो स्थानमा र तेस्रो स्थानमा इन्टर मिलन र एसी मिलन रहेको छ । त्यस्तै साम्पडोरिया ५ अंक सहित लिगको १३ औं स्थानमा रहेको छ ।
प्रकाशित मिति: शुक्रबार, असोज ८, २०७८
प्रतिक्रिया दिनुहोस्
थप समाचार
साताको लोकप्रीय
