बायर्न म्युनिखले जर्मन बुन्डेसलिगामा अपराजित यात्रा कायम राखेको छ । गए रातो भएको खेलमा बायर्न म्युनिखले ग्रिउथेर फर्थलाई ३-१ को गोल अन्तरले पराजित गरेका हो । ग्रिउथेर फर्थको घरेलु मैदानमा भएको खेलको १० मिनेटमा नै जर्मन मिडफिल्डर थोमस मुलर गोल गर्दै टिमलाई अग्रता दिलाएका थिए । खेलको ३७ औं मिनेटमा लिरोए सानेको पासमा योसुवा किम्मिखले अर्को गोल गर्दै खेलमा दोब्बर अग्रता दिलाए । दोश्रो हाफको ४८ औं मिनेटमा बेन्जामिन पाभार्डले रातो कार्ड खादै मैदानबाट बाहिरिएपछि बायर्न १० खेलाडीमा सीमित बन्न पुग्यो । तर, खेलको ६८ औं मिनेटमा सेवास्टिएन ग्रिसवेकले आत्मघाती गोल गरेपछि खेल ३-० मा पुग्यो । खेलको ८८ औं मिनेटमा सेडरिक इट्टेनले गोल गर्दै खेललाई ३–१ को अवस्थामा पुराए । ६ खेल खेलेको बायर्न यस जित संगै १६ अंक सहित लिगको शिर्ष स्थानमा रहेको छ । एक खेल कम खेलेको वल्फ्सवग १३ अंक सहित लिगको दोश्रो स्थानमा रहेको छ । त्यस्तै, ग्रिउथेर फर्थ १ अंक सहित लिगको पुछारमा पुगेको छ ।