पाकिस्तानका पुर्व कप्तान शाहिद अफ्रिदी आज आफ्नो देश फर्किदै छन् । एभरेष्ट प्रिमियर लिग (इपिएल) चौथो संस्करण खेल्न आएका पाकिस्तानी स्टार अलराउन्डरअफ्रिदी आज अपरान्ह ४ बजे आफ्नो देश फर्किन लागेका हुन् । अफ्रिदी काठमाडौं किंग्स इलेभेनबाट एक खेल खेलेका थिए। दुई खेलका लागि नेपाल आएका अफ्रिदीले आज खेल स्थगित भएका कारण एक खेल खेलेर मात्र स्वदेश फर्कन लागेका हुन्। काठमाडौँ किंग्स इलेभेन र विराटनगर वारियर्सबीचको खेल मैदान भिजेका कारण स्थगन भएको थियो । यस अघि उनले शनिबार ललितपुर प्याट्रियटर्सविरुद्ध खेलेका थिए । उनले बलिङ्गमा ४ ओभरमा ३२ रन दिएका थिए भने उनले ब्याटिंग भने गर्न पाएनन। सो खेलमा काठमाडौँले ललितपुरलाई ७ विकेटले पराजित गरेको थियो। नेपाल भ्रमणमा उनले राष्ट्रपति विद्यादेवी भण्डारीसंग भेट भेटका थिए। अफ्रिदी बिहिबार नेपाल आएका थिए ।