राजधानीमा जारी चौथो संस्करणको एभरेष्ट प्रिमियर लिग क्रिकेट ईपीएल अन्तर्गत आज एउटा मात्रै खेल हुने भएको छ । त्रिवि क्रिकेट मैदान कीर्तिपुरमा दिउँसो सवा १२ बजे शुरुहुने खेलमा काठमाडौं किंग्स इलाभेन र पोखरा राइनोजबीच प्रतिस्पर्धा हुने छ । काठमाडौंले पहिलो खेल जितेको थियो भने पोखराले पहिलो खेल बर्षाका कारण एक अंकमा चित्त बुझाएको थियो । सोमबारका दुवै खेल बर्षाका कारण प्रभावित भएका थिए । आज मंगलबार पनि दिउँसो १ बजेपछि कीर्तिपुर क्षेत्रमा पानी पर्ने मौसम पूर्वानुमान माहाशाखाले जनाएको छ । पानी परेमा आजको खेल पनि प्रभावित हुने छ । काठमाडौं सन्दीप लामिछानेको कप्तानीमा रहेको छ भने पोखरा विनोद भण्डारीको कप्तानीमा छ ।