एजेन्सी – क्याटलान क्लब बार्सिलोनाले युइएफए च्याम्पियन्स लिगमा पोर्चुगिज क्लब बेन्फिाकासँग लज्जास्पद हार बेहोरेको छ । १० खेलाडीमा समेटिएको बार्सिलोनाले घरेलु टोली बेन्फिकासँग ३–० को लज्जास्पद हार बेहोरेको हो । बेन्फिकाको जितमा डार्विन नुनेजले दुई तथा राफा सिल्भाले एक गोल गरे । बार्सिलोनाविरुद्ध बेन्फिकाले पहिलो हाफमा एक तथा दोस्रो हाफमा दुई गोल थपेको थियो । लिसोवा बेन्फिकामा बुधबार राति भएको खेलमा घरेलु टोली बेन्फिकाले खेलको तेस्रो मिनेटमा नै डार्विन नुनेजको गोलबाट अग्रता लिएको थियो । उनले जुलियन वेगलको पासमा गोल गरेका थिए । सम्हालिन नपाउँदै गोल खाएपछि घरेलु टोलीविरुद्ध बल पोसेसन राख्दै दवाव बढाएपनि बार्सिलोनाले फिनिसिङ गर्न चुक्दा उल्टै गोल खान पुग्यो । ६९औं मिनेटमा राफा सिल्भाले जोओ मारियोको पासमा गोल गर्दै बेन्फिकाको अग्रता दोब्बर पारे । ७९औं मिनेटमा डार्विन नुनेजले पेनाल्टीमा गोल गर्दै बेन्फिकाको जित पक्का गरे । गिल्बर्टाेको प्रहारलाई पेनाल्टी बक्समा सर्जिनो डेस्टले हातले छोएको भन्दै रेफ्रीले भिएआरको सहयाता लिदै बेन्फिकालाई पेनाल्टी प्रदान गरेको थियो । जसमा डार्विन चुकेनन् । निर्धारित समयको खेल सकिन तीन मिनेट बाँकी रहँदा एरिक गार्सिया दोहोरो पहेँलो कार्ड खाँदै मैदानबाट बाहिरिएपछि बार्सिलोनाको जित टाढिएको थियो । बेन्फिकाले पहिलो जित निकालेको हो । बेन्फिका पहिलो खेलमा डिनामो किएभसँग गोलरहित बराबरी खेलेको थियो । च्याम्पियन्स लिगमा बार्सिलोनाको यो दोस्रो हार हो । यसअघि बार्सिलोनाले बायर्न म्युनिखसँग ३–० कै हार बेहोरेको थियो । यो जितसँगै बेन्फिका समूह ‘ई’ मा दुई खेलबाट ४ अंक जोड्दै दोस्रो स्थानमा रहेको छ । दोस्रो जितसँगै बायर्न शीर्षस्थानमा रहँदा बेन्फिका १ अंक जोडेर तेस्रो स्थानमा छ ।