जनता समाजवादी पार्टी (जसपा)का संघीय परिषद् अध्यक्ष बाबुराम भट्टराईले नेकपा एमालेका अध्यक्ष केपी वली शर्माप्रति लक्षित गरी व्यङ्ग्य गरेका छन्। नेकपा एमालेकाे प्रथम विधान महाधिवेशन हिजाे (शुक्रबार)देखि सुरु भएकाे छ । साेही महाधिवेशनलाई लिएर भट्टराईले खड्गप्रसादको कुम्भमेला निभ्ने बेलाको बत्ती हो भनी व्यङ्ग्य गरेका हुन् । उनले सामाजिक सञ्जाल ट्विटरमा लेखेका छन्, ‘खड्गप्रसादको कुम्भमेला निभ्ने बेलाको बत्ती हो। लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठूलो मूल्य चुकाउनुपर्नेछ । नक्कली राष्ट्रवाद, नृजातीय अहंकारवाद, पपुलिज्म र व्यक्तिपूजाको ककटेलले अन्त: स्टालिन, हिटलर र फासीवाद जन्माउने हो । चेतना भया !’ महाधिवेशन तीन दिनसम्म चल्ने छ । महाधिवेशनमा ६ हजार ३४७ प्रतिनिधिहरू सहभागी छन्।