प्रिमियर लिगमा चेल्सी शिर्ष स्थानमा पुगेको छ । शनिबार राति भएको खेलमा चेल्सीले साउथह्याम्टनलाई ३-१ को गोल अन्तरले पराजित गर्दै लिगको शिर्ष स्थानमा पुगेको हो । खेल सुरु भएको ९ औं मिनेटमा नै ट्रेभो चालोबाले हेडरमार्फत आफ्नो टिमलाई अग्रता दिलाएका थिए । चिवेलको कर्नलाई रुवेन लोफ्टस चिकले हेड गरेपछि पोष्ट नजिक रहेको चालोबाले हेड गर्दै गोल गरेका थिए । टिनो लिभ्रामेन्टोलाई चिलवेलले फ़ाउल गरेपछि पेनाल्टी पाएको चेल्सीले खेलको ६१ औं मिनेटमा गोल गर्दै खेल बराबरीमा पुराएको थियो । जेम्स वार्ड प्रोवसेले पेनाल्टी शुट गरेका थिए । खेलको ७७ औं मिनेट प्रोवसेले रातो कार्ड पाउँदै मैदान बाहिरी पछि साउथह्याम्टन १० खेलाडीमा सिमित हुन पुग्यो । त्यसको सदुपयोग गर्दै खेलको ८४ औं मिनेटमा वार्नरले एज्पिक्युटाको क्रसमा गोल गर्दै खेल २-१ मा पुराए । खेलको ८९ औं मिनेटमा चिलवेलले भलिमार्फत गोल गर्दै जित सुनिश्चित गएका थिए । यस जितसंगै चेल्सी लिगको शिर्ष स्थानमा उक्लिएको छ। ७ खेल खेलेको चेल्सी ५ खेलमा जित, १ बराबरी र १ मा हार बेहोर्दै १६ अंक सहित लिगको शिर्ष स्थानमा पुगेको हो । त्यस्तै लिभरपुल भने १४ अंक सहित लिगको दोश्रो स्थानमा रहेको छ । लिभरपुलले भने एक खेल कम खेलेको छ । त्यस्तै लिगको तेस्रो स्थानमा म्यानचेस्टर युनाइटेड र चौथो स्थानमा एभर्टन रहेको छ ।