फ्रेन्च लिगमा विश्वकै स्टार खेलाडीले भरिएको पिएसजीले लज्जास्पद पराजय भोगेको छ । लिगमा पिएसजी रेन्नेससँग २–० गोल अन्तरले पराजित भएको हो । पहिलो हाफको अन्तिम मिनेटमा पहिलो गोल खाएको पिएसजीले दोस्रो हाफको पहिलो मिनेटमा फेरि गोल खाएको हो । ४५ औं मिनेटमा रेन्नेसका लागि लाबोर्डेले गोल गरेका थिए । दोस्रो हाफको ४६ औं मिनेटमा टैटले गोल गर्दा पिएसजी २–० ले पछि परेको थियो । दोस्रोमा एम्बाप्पेको गरेको गोल भिआरले रद्द गरेको थियो । पहिलो हाफमो मेसीको फ्रिकिक बारमा लागेर फर्किएको थियो । पूरै खेल अवधिभर बल पोसेसनमा पकड जमाए पनि मेसी, नेयमार, एम्बाप्पे, डिमारिया जस्ता स्टार खेलाडीले भरिएको पिएसजी रेन्नेसको घरेलु मैदानमा लज्जास्पद पराजय भोग्न बाध्य भएको हो ।