इंग्लिस प्रिमियर लिगमा टोटनह्यामले एस्टन भिल्लालाई पराजित गर्दै प्रमियर लिगमा चौथो जित निकालेको छ । आइतबार भएको खेलमा टोटनह्यामले भिल्लामाथि २-१ को जित निकालेको हो। जित निकाल्ने क्रममा खेलको २७ औं मिनेटमा पियरी होइजबर्गले पहिलो गोल गरे । यद्धपि ६७औं मिनेटमा ओल्ली वाटकिन्सले एस्टन भिल्लालाई खेलमा फर्काउँदै बराबरी गोल गरे । खेल सकिन ११ मिनेट बाँकी रहँदा एस्टन भिल्लाका टार्गेटले आत्मघाती गोल गर्दा टोटनह्यामले जित पक्का गरेको थियो । जितपछि सात खेलमा १२ अङ्क जोडेको टोटनह्याम आठौं स्थानमा छ जुन शीर्ष स्थानको चेल्सी भन्दा चार अङ्क कम हो । प्रिमियर लिग अन्तर्गत आइतबार भएको अर्को खेलमा वेस्ट ह्यामले ब्रेन्टफोर्डलाई २-१ ले हरायो । क्रिस्टल प्यालेस र लेस्टर सिटीले २-२ गोलको बराबरी खेले ।